चप्पल उल्टो पारेको निहुँमा कुटपिट

महेन्द्रनगर, १५ भदौ

ढोकामा चप्पल उल्टो पारेको निहुमा एक महिला श्रीमान्बाट निर्घात कुटिएकी छिन् । उनको महाकाली अञ्चल अस्पतालमा उपचार भइरहेको छ ।

भीमदत्त नगरपालिका-९ मटैनाकी गीता महरा श्रीमान् दानीबाट कुटिएकी हुन् । सोमबार साँझ ढोका भित्र-बाहिर गर्दा दैलोमा रहेको चप्पल उल्टो परेको विषयमा विवाद गरी श्रीमान्ले पिटेको गीताले बताइन् ।

'किन यस्तो गरिस् भन्दै गाली गर्न थाल्नुभयो,' उपचाररत गीताले रुँदै भनिन्, 'लठ्ठी, हथौडा र सिलौटाले तिघ्रा, पिडौला, पाखुरा र छातीमा कुट्नुभयो ।' छिमेकीले छुट्टयाउन खोजे पनि श्रीमान्ले चुक्कुल लगाएर कुटपिट गरेको उनले बताइन् ।

पुरै हेर्नुहोस्...